Дәүләт Думасы балалар өчен куркыныч сайтларны ябу турында Яровая законын кабул итте

Балалар өчен куркыныч булган мәгълүматны уку чикләнәчәк.

(Казан, 9 декабрь, “Татар-информ”). Россия Дәүләт Думасы өченче, соңгы укылышта, балаларны колумбайн-җәмгыятьләрдән саклау турында закон кабул итте. Бу турыда Парламентның түбән палатасы сайтында хәбәр ителә.

Балалар өчен куркыныч булган мәгълүмат ябылачак. Сүз балигъ булмаганнар тормышына һәм сәламәтлегенә куркыныч тудыра торган хокук бозу гамәлләренә, шулай ук куркыныч гамәлләргә тартуга юнәлдерелгән мәгълүмат турында бара.

Сайт хуҗасы куркыныч мәгълүматны бетерү  белән шөгыльләнмәсә, хостинг-провайдерлар порталны блокировкалаячак.

Проектны Дәүләт Думасына вице-спикер Ирина Яровая керткән.