Парламентның бюджет, салымнар һәм финанс комитеты каршындагы экспертлар советы утырышы үтә

Көн тәртибендәге төп мәсьәлә — алдагы өч елга бюджет планы.

(Казан, 9 октябрь, “Татар-информ”, Лилия Локманова). 12 октябрь көнне сәгать 10.00 дә Татарстан Дәүләт Советының бюджет, салымнар һәм финанс комитеты каршындагы экспертлар советы утырышы булачак.

Көн тәртибенә өч мәсьәлә чыгарылачак. Болар: “Татарстан Республикасының 2018 елга һәм 2019 һәм 2020 елга план өлешенә бюджеты турында”гы Татарстан закон проекты (1 укылыш); “Татарстан Республикасының 2018 елга һәм 2019 һәм 2020 еллар план аралыгына Мәҗбүри иминият территориаль фонды бюджеты турында”гы Татарстан закон проекты (1 укылыш). Шулай ук, “Россия Федерациясенең аерым закон акталарына үзгәрешләр кертү турында”гы (Россия Банкын аудиторлык өлкәсендә вәкаләтләр бирү буенча) Россия федераль закон проекты каралачак.