news_header_top_970_100
16+
news_header_bot_970_100

Путин: Россиядә коронавирус эпидемиясенең күтәрелеш чоры әле үтмәде

Авыруга каршы көрәштә төп бурыч — гражданнарның куркынычсызлыгын һәм сәламәтлеген тәэмин итү, дип искәртә Дәүләт башлыгы.

(Казан, 7 апрель, «Татар-информ»). Россиядә Covid-19 коронавирусы эпидемиясенең күтәрелеш чоры узмаган әле, дип белдерде РФ Президенты Владимир Путин илдә коронавирус белән бәйле вазгыятьне хәл итүгә багышланган онлайн-киңәшмәдә. Бу хакта Кремльнең рәсми сайтында хәбәр ителә.

Дәүләт башлыгы коронавирус ситуациясен игътибар белән күзәтергә кушты. Инфекциягә каршы көрәш мәсьәләсендә төп бурыч — гражданнарның куркынычсызлыгын һәм сәламәтлеген тәэмин итү.

Кабул ителгән карарлар уйланылган һәм килеп туган вазгыятькә тиңдәш булырга тиеш.

«Хәзер башкалар ясаган хаталарны кабатламаска, алардан сабак алып, медицина, фәнни җәмәгатьчелек позициясенә таянып, нәтиҗәләр ясарга кирәк», — диде Президент.

autoscroll_news_right_240_400_1
autoscroll_news_right_240_400_2
news_bot_970_100