Министрлар Кабинеты Президент сайлавын онлайн күрсәтүгә 75 миллион сум акча бүлеп бирәчәк

Әлеге акчаның быел ук бүленүе, кирәкле чараларны вакытында оештырырга мөмкинлек бирә.

(Казан, 5 октябрь, "Татар-информ"). Россия Хөкүмәте Россия Президенты сайлаулары вакытында видео - һәм онлайн трансляцияләү оештыру өчен 2017 елда Элемтә һәм массакүләм коммуникацияләр министрлыгына якынча 75 миллион сум акча бүлеп бирәчәк.

2 октябрьдә Премьер-министр Дмитрий Медведев тарафыннан имзаланган бу боерык хокукый мәгълүматның рәсми порталында бастырылган. Документта билгеләп үтелгәнчә, әлеге акчаны быел ук бүлеп бирү, кирәкле чараларны вакытында оештырырга мөмкинлек бирәчәк, дип хәбәр итә ТАСС агентлыгы.