Азнакай шәһәрендә тавыш бирү өчен өйгә чакыручылар арасында яшьләр дә күп булган

Һәр кешенең мөрәҗәгате канәгатьләндерелгән.

(Азнакай, 1 июль, «Татар-информ», «Маяк», Лиза Нурлыева). Азнакай шәһәренең 522нче участогында тавыш бирү өчен өйгә чакыручылар арасында яшьләр дә күп булган. Бу турыда район басмасы хәбәр итә.

«Коронавирус афәте кешеләрне үз сәламәтлекләрен кайгыртырга мәҗбүр итә. Өйдә тавыш бирүгә гариза бирүчеләр бүген дә күп булды. Алар арасында яшь әти-әниләр күп. Без аларны аңлыйбыз: кечкенә сабыйлары, олы яшьтәге якыннары турында уйлыйлар. Һәркайсының мөрәҗәгате канәгатьләндерелә», — ди комиссия рәисе Римма Мөсәвировна.