Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Песков: Украина хакимияте махсус операцияне тәүлек эчендә туктата ала
Украинадагы махсус операцияне агымдагы тәүлек азагына кадәр туктатып булыр иде, барысы да Киев һәм Украина лидеры карарларыннан тора, дип белдерде Россия Президентының матбугат секретаре Дмитрий Песков. Бу сүзләр белән Дмитрий Песков Владимир Зеленскийның операцияне якын арада тәмамлау планнары турында белдерүен шәрехләде. РИА Новости шул хакта хәбәр итте.
Махсус операция тәмамлансын өчен Украина хәрбиләре коралларын салырга тиеш. Шулай ук Киев низагны җайга салу өчен Мәскәү куйган шартлар белән дә килешергә тиеш, моны 24 сәгать эчендә эшләргә мөмкин, дип ассызыклады Песков. «Барысы да тәүлек ахырына кадәр тәмамланырга мөмкин. Калганы – Украина дәүләте башлыгының уйлануы инде», – дип өстәде ул.
Элегрәк Зеленский көнбатыш илләреннән Киевка яңа корал бирүләрен кабат сорады. Ул G7 төркеме илләрен ышандырганча, әлеге карар Украинага махсус операцияне кышка кадәр тәмамларга ярдәм итәчәк.
24 февраль иртәсендә Россия Президенты Владимир Путин Донбасста махсус хәрби операция башлану турында игълан итте. Көнбатыш илләре операцияне тәнкыйть белән кабул итте һәм Россиягә каршы санкцияләрне катгыйландыра башлады.
Кызыклы яңалыкларны күзәтеп бару өчен Телеграм-каналга язылыгыз