Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Песков: Азат ителгән территорияләр Россиянең аерылгысыз өлеше булачак
Махсус операция барышында азат ителгән ДНР, ЛНР, Херсон һәм Запорожье өлкәсе Россиянең суверен территориясе һәм аның аерылгысыз өлеше булачак. Аларга карата союздаш дәүләт турындагы килешү дә гамәлдә булачак, дип белдерде Россия Президентының матбугат секретаре Дмитрий Песков. Бу турыда РИА Новости хәбәр итә.
«Россия Президентының чыгышы һәм мөрәҗәгате булачак – тагын бер кат кабатлыйм, чыгыш озын булачак – аннары документларны имзалау тантанасы», – дип сөйләде Кремль вәкиле.
Ул билгеләп үткәнчә, тантанада ДНР һәм ЛНР башлыклары Денис Пушилин һәм Леонид Пасечник, шулай ук Запорожье һәм Херсон өлкәләре администрацияләре җитәкчеләре Евгений Балицкий һәм Владимир Сальдо катнашачак. Шулай итеп, Кремльдә Россия составына яңа субъектлар кабул итү турында берьюлы дүрт килешү имзаланачак.
Исегезгә төшерәбез, Донецк һәм Луганск халык республикалары, шулай ук Херсон һәм Запорожье өлкәләренең азат ителгән территорияләре 23-27 сентябрьдә Россия составына керү турында референдумнар үткәрде. Донбасс республикалары һәм азат ителгән территорияләр карарын Россия дәүләте башлыгы Владимир Путин хуплады. Халыкның күпчелеге Россия Федерациясенә кушылуны яклап тавыш бирде.
Моңа кадәр Песков 30 сентябрьдә Кремльдә Путин катнашында Россия Федерациясе составына яңа төбәкләрне кабул итү тантанасы узачагын хәбәр иткән иде. Чарага шулай ук Дәүләт Думасы депутатлары чакырылган.
Кызыклы яңалыкларны күзәтеп бару өчен Телеграм-каналга язылыгыз