Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Пермь краенда «Майлы күл» чишмәсе янында бәйрәм булды
Пермь өлкәсендә Чишмә бәйрәмен үткәрү традициягә әйләнде. Быел бәйрәм Пермь краеның Югары Шуртан авылында узды. Бу турыда Бөтендөнья татар конгрессының матбугат хезмәте хәбәр итә.
«Без бу бәйрәм белән балаларда, торак пунктларда яшәүчеләрдә чишмәләргә, табигатькә сакчыл караш тәрбияләргә тырышабыз. Без чишмәләрне карап торырга, аларны төзекләндерергә тиеш. Безнең максат - бу байлыкны саклап калу һәм киләчәк буынга тапшыру», диелгән хәбәрдә.
Авылда 13 чишмә исәпләнә. Аларның барысының да үз исеме, үз тарихы бар... Быел дүрт чишмәне тәртипкә салдылар.
Кунаклар чишмәләрне карады, «Баллы күл чишмәсе», «Майлы күл чишмәсе»нең тарихлары турында сөйләделәр. Кайчандыр авыл халкы базарга ат белән май, бал сатарга барган. Ат арбасы ауган, бал (май) савыты суга төшкән, шуннан бирле бу чишмәләр шундый исемнәр йөртә.
Кызыклы яңалыкларны күзәтеп бару өчен Телеграм-каналга язылыгыз