Мәдәният 9 февраль 2018 11:04

Пензада герой-шагыйрь Муса Җәлилне искә алдылар

Кичәгә килүчеләр шагыйрьнең тормыш юлы һәм иҗаты белән танышты.

Скопировать ссылку

(Казан, 9 февраль, «Татар-информ»). 15 февральдә татар халкы герой-шагыйрь Муса Җәлилнең туган көнен билгеләп үтә. Бөтен җирдә шагыйрьнең туган көненә багышланган төрле чаралар уза. Әлеге вакыйгадан Пенза өлкәсе татар милли-мәдәни мохтарияте дә читтә калмады, дип хәбәр итә Бөтендөнья татар конгрессы Башкарма комитеты матбугат хезмәте.

7 февральдә Пензада герой-шагыйрь Муса Җәлилнең туган көненә багышланган әдәби-иҗади кичә узды. Кичәгә килүчеләр шагыйрьнең тормыш юлы һәм иҗаты белән танышты. Муса Җәлилнең Казандагы музей-фатиры турында документаль фильм күрсәтелде. Шагыйрьнең фронттан хатыны Әминә һәм кызы Чулпанга язган хатларын укыдылар. «Моабит дәфтәре» циклына кергән шигырьләрне уку кичәнең иң югары ноктасы булды. Кичә Пенза дәүләт университеты укытучысы Римма Юняеваның «Кызыл ромашкалар» җырын башкаруы белән төгәлләнде.

#пенза #муса җәлил

Сәхифәләр

Пензада герой-шагыйрь Муса Җәлилне искә алдылар