Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Омск өлкәсендә Заманча татар мәдәнияте фестивале булды
Халыклар дуслыгы скверында Заманча татар мәдәнияте фестивале узды. Бәйрәмгә төрле яшьтәге тамашачылар килде. Фестиваль кысаларында «Сабантуй» XVI Халык татар спорт-мәдәни бәйрәме үткәрелде һәм «КазФест» казах мәдәнияте киңлеге тәкъдим ителде. Бу хакта Бөтендөнья татар конгрессының матбугат хезмәте хәбәр итә.
Бәйрәм дәвамында милли уеннар һәм күңел ачулар мәйданында чүлмәк ваттылар, кашыкка йомырка салып һәм көянтә-чиләк белән йөгерделәр, анда иң җитезләргә бүләкләр бирелде. «Көрәш» билбау көрәше буенча төбәк чемпионатында безнең төбәкнең иң көчле батырлары көрәште.
Лекторийда әрмән, казах, корея, татар, немец телләре буенча мастер- класслар үткәрелде, «Балаларга халык әкиятләре» проекты тәкъдим ителде, ә «Делай город» коммерцияле булмаган автоном оешма вәкилләре, грант конкурсларында катнашып, шәһәрне ничек үзгәртү мөмкинлеге турында сөйләде.
Татар, казах һәм көнчыгыш ашлары, шулай ук хәләл продукцияләре тәкъдим ителде. Ярминкәдә милли эшләнмәләр, сувенирлар, кул эшләре сатылды. Кечкенә сәхнәдә яшь шагыйрьләре үзләр иҗат иткән шигырьләрне укыды һәм иҗат коллективлары чыгыш ясады, биюләр буенча мастер-класслар үткәрелде.
Фестивальнең төп сәхнәсендә хакимият органнары һәм иҗтимагый оешмалар вәкилләре чыгыш ясады, бәйрәм барышында халык көйләре һәм җырлары яңгырады, Россия халыклары биюләрен башкардылар, шулай ук концерт программасында Татарстан Республикасы артистлары катнашты.
Чараны Омск шәһәре һәм Омск өлкәсе милли-мәдәни оешмалары катнашында «АЮ» Татар яшьләре берлеге үткәрде.
Кызыклы яңалыкларны күзәтеп бару өчен Телеграм-каналга язылыгыз