Алексей Песошин ике атнага ялга китте

Татарстан Республикасы Премьер-министры вазифаларын Татарстан Республикасы Премьер-министрының беренче урынбасары Рөстәм Нигъмәтуллин башкарачак.

(Казан, 29 гыйнвар, «Татар-информ»). ТР Премьер-министры Алексей Песошин 29 гыйнвардан 11 февральгә кадәр чираттагы ялда, дип хәбәр итә ТР Президенты матбугат хезмәте.

Ял вакытында Татарстан Республикасы Премьер-министры вазифаларын Татарстан Республикасы Премьер-министрының беренче урынбасары Рөстәм Нигъмәтуллин башкарачак.

Тиешле боерыкка 2020 елның 23 гыйнварында имза куелган.