Алексей Песошин «МТС» компаниясе җитәкчелеге белән очрашты

Очрашу ТР Хөкүмәте йортында узды.

(Казан, 27 гыйнвар, «Татар-информ»). Бүген ТР Премьер-министры Алексей Песошин ТР Хөкүмәте йортында «МТС» компаниясе җитәкчелеге белән очрашты. Бу хакта ТР Президентының матбугат хезмәте хәбәр итә.

Очрашуда компаниянең төбәк территориясендәге алдагы үсеше белән бәйле, республика халкын һәм «МТС» ГАҖ хезмәтләреннән файдаланучыларны сыйфатлы элемтә белән тәэмин итү мәсьәләләре хакында фикер алыштылар.

ТР Премьер-министры һәм компания вәкилләре шулай ук Татарстан территориясендә өстәмә база станцияләре төзү мөмкинлеге хакында сөйләште.