Путин Россия хоккей җыелмасын Олимпиадада җиңүләре белән котлады

Россия Президенты сүзләренчә, спортчылар искиткеч техника күрсәтте.

(Казан, 25 февраль, “Татар-информ”). Россия Президенты Владимир Путин Россия хоккей җыелмасын Олимпиада – 2018дәге “алтын” белән котлады. Бу хакта Кремль сайтында хәбәр ителә.

Котлау телеграммасында Путин команда рухы, характеры һәм ихтыяр көче сыйфатларын билгеләп узды. Россия Президенты сүзләренчә, спортчылар искиткеч техника күрсәтте.

“Хәзерге җиңү ил хоккей мәктәбенең бик яхшы традицияләрен дәлилләүче шаһит булды, яшь спортчылар өчен ачык ориентир”, - диелгән телеграммада.