Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мөхәммәтшин белән Турчак татарстанлыларның наказларын үтәү турында сөйләште
Алар „Бердәм Россия“ партиясенең Татарстан бүлеге эшчәнлегенең төп юнәлешләрен, партия проектларын гамәлгә кую һәм гражданнарның наказларын үтәү мәсьәләләрен тикшерделәр. Әлеге наказларны „Бердәм Россия“леләр узган сайлау кампаниясе кысаларында җыйган иде.
(Казан, 25 гыйнвар, «Татар-информ», Алексей Угаров). Фәрит Мөхәммәтшин белән Андрей Турчак «Бердәм Россия»нең татарстанлылардан җыйган наказларын үтәү буенча фикер алышты.
Татарстан Республикасы Дәүләт Советы Рәисе, «Бердәм Россия» партиясенең Татарстан бүлеге Секретаре Фәрит Мөхәммәтшин Россия Федерациясе Советы вице-спикеры, партиянең Генераль Советы Секретаре Андрей Турчак белән очрашу уздырды. Бу хакта республика парламентының матбугат хезмәте хәбәр итте.
«Парламенттагылар „Бердәм Россия“ партиясенең Татарстан бүлеге эшчәнлегенең төп юнәлешләрен, партия проектларын гамәлгә кую һәм гражданнарның наказларын үтәү мәсьәләләрен тикшерделәр. Әлеге наказларны „Бердәм Россия“леләр узган сайлау кампаниясе кысаларында җыйган иде», — диелә хәбәрдә.
Очрашуда шулай ук «Бердәм Россия» Үзәк башкарма комитеты җитәкчесе Александр Сидякин да катнашты.
Андрей Турчак Татарстанга бер көнлек эш сәфәре белән килгән иде. «Бердәм Россия»нең Генераль Советы Секретаре республикага партиянең Татарстан бүлеге конференциясендә катнашу өчен килде. Чара бүген Казанда узды.
Андрей Турчак «Бердәм Россия»нең Цифрлы компетенцияләр үсеше федераль үзәге эше белән танышырга һәм Казанның 131 нче лицеенда булырга планлаштыра. Партия конференциясе тәмамланганнан соң, Андрей Турчак студентларга ел саен бирелә торган «Ел студенты –2021» премиясен тапшыру тантанасында катнаша.
Кызыклы яңалыкларны күзәтеп бару өчен Телеграм-каналга язылыгыз