Алексей Песошин «Татмедиа» агентлыгының яңа башлыгы белән очрашты

Бүген ТР Президенты Айдар Сәлимгәрәевне Республика матбугат һәм массакүләм коммуникацияләр агентлыгы җитәкчесе итеп билгеләү турында указга кул куйды.

(Казан, 24 сентябрь, «Татар-информ»). Татарстан Премьер-министры Алексей Песошин «Татмедиа» Республика матбугат һәм массакүләм коммуникацияләр агентлыгының яңа җитәкчесе Айдар Сәлимгәрәев белән очрашты. Аны яңа вазифага билгеләнүе белән котлады һәм уңышлар теләде. Бу хакта ТР Президенты матбугат хезмәте хәбәр итә.

«Татарстан Республикасы Хөкүмәте башлыгы Айдар Сәлимгәрәевны билгеләнүе белән котлады һәм яңа җаваплы вазифасында уңышлар теләде», - диелә хәбәрдә.

Очрашуда шулай ук Татарстан Президенты Аппараты җитәкчесе, «Татмедиа» АҖ директорлар советы рәисе Әсгать Сәфәров катнашты.

Элегрәк Айдар Сәлимгәрәев Татарстан Президентының Мәгълүмат-аналитика идарәсен җитәкләгән иде.

  • Айрат Зарипов VI чакырылыш Татарстан Дәүләт Советына депутат итеп сайлану сәбәпле, «Татмедиа» агентлыгы башлыгы вазифасыннан азат ителде.