Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов Анкарада Karba Otomotiv борт җиһазлары заводында булды
Татарстан Президенты шулай ук КАМАЗның хезмәттәшлеккә әзер булуына игътибар итте.
(Казан, 24 июнь, «Татар-информ»). Татарстан Президенты Рөстәм Миңнеханов Төркиягә эш сәфәрендә Анкарада Karba Otomotiv борт җиһазлары заводында булды. Бу хакта «Татар-информ» мәгълүмат агентлыгына ТР Президентының матбугат хезмәте җитәкчесе Лилия Галимова хәбәр итте.
Предприятие йөк автомобильләре шассиендә борт җиһазлары чыгару белән шөгыльләнә. Сүз, аерым алганда, янгын сүндерү һәм чүп ташу машиналары, гидравлик күтәртү платформалары, коткару, ашыгыч ярдәм һәм махсус билгеләнгән автомобильләр һәм башкалар турында бара.
«Төркия Республикасы тарихи яктан безгә бик якын. Бүген безнең дәүләтләр, илкүләм лидерлар арасындагы мөнәсәбәтләр бик уңай, бу безгә илләребезнең икътисады файдасына тулы көчкә эшләргә мөмкинлек бирә», — диде Рөстәм Миңнеханов, компания җитәкчелеген сәламләп.
Татарстан Президенты шулай ук КАМАЗның хезмәттәшлеккә әзер булуына игътибар итте. «Төркия бизнесы үзен бик лаеклы күрсәтте. Без төрек ягыннан тулысынча аңлашуны күрәбез, — дип өстәде ул.
Karba Otomotiv җитәкчелеге Рөстәм Миңнехановка Татарстан-Төркия проектларын алга җибәрүдә һәм ярдәм итүдә шәхсән катнашкан өчен рәхмәт белдерде.
Кызыклы яңалыкларны күзәтеп бару өчен Телеграм-каналга язылыгыз