Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов: Казахстан — Татарстанның әйдәп баручы чит ил партнерларының берсе
Хезмәттәшлектә безнең потенциал зур, якындагы елларда товар әйләнешен бер миллиард долларга кадәр арттыра алабыз, ди Алихан Смаилов
(Казан, 24 гыйнвар, «Татар-информ»). Татарстан Президенты Рөстәм Миңнеханов Казахстан Премьер-министры Алихан Смаилов белән очрашты. Ул Россия-Казахстан мөнәсәбәтләре кысаларында республикалар арасындагы хезмәттәшлекне ныгытуга игътибары өчен Казахстан Республикасы Министрлар Кабинеты башлыгына рәхмәт белдерде.
«Казахстан — Татарстанның әйдәп баручы чит ил партнерларының берсе», — диде Рөстәм Миңнеханов очрашу вакытында. Бу хакта Татарстан Президентының матбугат хезмәте җитәкчесе Лилия Галимова хәбәр итә.
Ул Костанайда «КАМАЗ» йөк техникасы мостлары өчен чуен кою һәм компонентлар җитештерү заводлары төзелүен искәртте. Карагандино өлкәсендә «Татнефть» һәм «Аллюр»ның уртак предприятиесенең шина җитештерү производствосы төзелә.
«2021 елның 9 аенда Татарстан-Казахстан товар әйләнеше 441 млн доллар тәшкил итте. Энергетика, сәнәгать, газ-мотор ягулыгы, авыл хуҗалыгы, нефть химиясе өлкәсендә хезмәттәшлек өчен мөмкинлекләр күп», — диде Рөстәм Миңнеханов.
Казахстан Республикасы Премьер-министры Татарстанның Россия белән партнерлыкта аерым урын алып торуын билгеләп үтте.
«Хезмәттәшлектә безнең потенциал зур, якындагы елларда товар әйләнешен бер миллиард долларга кадәр арттыра алабыз», — дип саный Алихан Смаилов һәм бизнес-миссияне активлаштырырга тәкъдим итте.
«Татнефть» генераль директоры белән КАМАЗ генераль директоры Казахстан территориясендә гамәлгә ашырыла торган проектлар турында хәбәр итте, шулай ук алга таба уртак проектлар перспективалары турында фикер алыштылар
Кызыклы яңалыкларны күзәтеп бару өчен Телеграм-каналга язылыгыз