Дмитрий Медведев Кремльдә дәүләт бүләкләре тапшыра

Бүләкләнүчеләр арасында – космонавт Федор Юрчихин, режиссер Галина Волчек, актер Леонид Броневой.
(Казан, 23 декабрь, “Татар-информ”). Россия Президенты Дмитрий Медведев Кремльдә дәүләт бүләкләрен тапшыра. Аларны Россиянең күренекле җәмәгать һәм дәүләт эшлеклеләре, галимнәр һәм мәдәният осталары алачак.

Тантана башланганда Дмитрий Медведев җыелган кешеләргә мөрәҗәгать итте. Ул бөтенесен якынлашып килүче Яңа ел һәм Раштуа белән котлады. Президент кыскача узып баручы 2008 ел вакыйгаларына тукталды. Шул ук вакытта ул уңышлардан тыш бу елның авыр сынаулар белән истә калуын билгеләп үтте. “Без Россия халкының сынаулар алдында бердәмлеге шаһитлары булдык”, - дип ассызыклады Президент.

Бүләкләнүчеләр арасында – космонавт Федор Юрчихин, режиссер Галина Волчек, актер Леонид Броневой, дип хәбәр итә Vesti.ru.