Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның Лаеш районында яңа прокурор билгеләнде
Юрий Марасов Балык Бистәсендә туган, университетны тәмамлап, прокуратурага тикшерүче булып килгән.
(Казан, 23 ноябрь,«Татар-информ»). Бүген Татарстан прокуроры Илдус Нәфыйков Лаеш районында яңа прокурор итеп билгеләнгән Юрий Марасовны коллективка тәкъдим итте. Бу хакта Татарстан прокурорының өлкән ярдәмчесе Руслан Галиев хәбәр итте.
Юрий Марасов 1974 елда Балык бистәсендә туа. Владимир Ленин исемендәге Казан дәүләт университетын тәмамлап, юрист белгечлеген ала. Хезмәт юлын республиканың Алексеевск районы прокуратурасында тикшерүче вазифасында башлый.
Җиде елдан соң Юрий Марасов Казанның Яңа Савин районы прокуроры ярдәмчесе, ә аннан соң аның урынбасары була. 2016 елда аны Идел буе районы прокуроры урынбасары итеп билгелиләр.
Шул ук елны ул Казан юридик институтында законнарның үтәлешенә прокурор күзәтчелеге кафедрасының өлкән укытучысы була. 2019 елдан Юрий Марасов - ТР Прокуратурасының закон үтәлешен күзәтү идарәсе башлыгы урынбасары.
Кызыклы яңалыкларны күзәтеп бару өчен Телеграм-каналга язылыгыз