Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Истанбул мэры Экрем Имамоглы белән очрашты
Казан белән Истанбул арасында муниципаль дәрәҗәдә кабул ителгән кардәшлек турында 18 килешү гамәлдә.
(Казан, 23 июнь, «Татар-информ»). Төркиягә эш сәфәре кысаларында Татарстан Республикасы Президенты Рөстәм Миңнеханов Истанбул мэры Экрем Имамоглы белән очрашты. Бу хакта ТР Президенты матбугат хезмәте җитәкчесе Лилия Галимова хәбәр итә.
«Бүген Татарстан белән Төркия Республикасы арасында хезмәттәшлек турында килешү гамәлдә, Казанда сезнең илнең Генераль консуллыгы уңышлы эшли, ә Истанбулда — безнең республика вәкиллеге», — дип искәртте Рөстәм Миңнеханов.
Моннан тыш, Казан белән Истанбул арасында муниципаль дәрәҗәдә кабул ителгән кардәшлек турында 18 килешү гамәлдә. Шәһәрне даими һава юллары бәйли. Ул кичә, 22 июньдә, яңартылды.
Элегрәк Татарстан Президенты Истанбул провинциясе губернаторы белән очрашкан иде.
Кызыклы яңалыкларны күзәтеп бару өчен Телеграм-каналга язылыгыз