Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов «Татнефть»нең Төркия компанияләре белән хезмәттәшлеге турында сөйләште
Татарстан нефть эшкәртү өлкәсендә үз технологияләре белән уртаклашырга, шулай ук нефть химиясе проектларында хезмәттәшлек итәргә әзер.
(Казан, 23 июнь, «Татар-информ»). Татарстан Республикасы Президенты Рөстәм Миңнеханов дөньякүләм зур холдингларның берсе булган Koç идарә рәисе Омер Коче белән очрашты.Алар Татарстан «Татнефть»нең «Тюпраш» нефть эшкәртү компаниясе белән хезмәттәшлек итү мөмкинлеге турында сөйләште. Бу хакта ТР Президенты матбугат хезмәте җитәкчесе Лилия Галимова хәбәр итә.
«Без Россия белән Төркия арасындагы мөнәсәбәтләрне ныгытуга юнәлдерелгән Татарстан - Төркия сәүдә-икътисади һәм инвестицион хезмәттәшлекне үстерүгә зур игътибар бирәбез», - дип белдерде Рөстәм Миңнеханов.
«Татнефть» хәзер чит илләрдә эш мөмкинлеген карый, дип өстәде ул һәм «Коч Холдинг» җитәкчелегенә юнәлешләр буенча эш төркемнәре булдырырга тәкъдим итте.
«Татнефть» генераль директоры Наил Маганов сүзләренчә, компанияләр нефть белән тәэмин итү өлкәсендә генә хезмәттәшлек итә алмый. Татарстан нефть эшкәртү өлкәсендә үз технологияләре белән уртаклашырга, шулай ук нефть химиясе проектларында хезмәттәшлек итәргә әзер.
Чара ахырында Татарстан Республикасы Президенты Төркия компаниясе җитәкчелеген Татарстанга килергә һәм республиканың икътисади һәм сәнәгать потенциалы белән танышырга чакырды.
Элегрәк «Татар-информ» Рөстәм Миңнехановның Төркиягә эш сәфәре белән баруын хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз