Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов DigitalSkills-2021 чемпионатын ачу тантанасында катнашты
«Казан Экспо» күргәзмә залында III «Ворлдскиллс» Digital Skills-2021 стандартлары буенча мәгълүмати технологияләр өлкәсендә тармак чемпионаты уза.
(Казан, 21 сентябрь, «Татар-информ», Алексей Угаров). Татарстан Президенты Рөстәм Миңнеханов «Ворлдскиллс» Digital Skills-2021 стандартлары буенча мәгълүмати технологияләр өлкәсендә тармак чемпионаты ачылышында катнашты.
«Без хәзер цифрлаштыруга зур игътибар бирәбез, цифрлаштыру — беренче чиратта — кешеләр, кадрлар. Барысын да төзеп була, әмма моның өчен кешеләр әзерләргә кирәк. Безнең моның өчен тулы программа бар, система эшли һәм без бүгенге чемпионат вәкилләрен ихлас сәламлибез», — диде Рөстәм Миңнеханов.
Бүген «Казан Экспо» күргәзмә залында III «Ворлдскиллс» Digital Skills-2021 стандартлары буенча мәгълүмати технологияләр өлкәсендә тармак чемпионаты башланды.
Чемпионат урта һәм югары уку йортлары студентлары, кече, урта һәм зур бизнес оешмалары хезмәткәрләре арасында уздырыла. Ул цифрлы икътисад өчен кадрлар әзерләүгә юнәлдерелгән.
Чемпионатны Россиянең Цифрлы үсеш, элемтә һәм массакүләм коммуникацияләр министрлыгы, Татарстан Хөкүмәте һәм «Һөнәри осталык үсеше агентлыгы (Ворлдскиллс Россия)» коммерцияле булмаган автономияле оешмасы уздыра.
Кызыклы яңалыкларны күзәтеп бару өчен Телеграм-каналга язылыгыз