Миңнеханов “Бердәм Россия” партиясе Югары Советы Бюросы утырышында катнашты

Халыктан кергән мөрәҗәгатьләр һәм шикаятьләр белән эшләүдә Татарстан проекты — “Халык контроле” билгеләп үтелде.

(Казан, 19 февраль, “Татар-информ”). Бүген Татарстан Президенты Рөстәм Миңнеханов Мәскәүдә Борис Грызлов рәислегендәге “Бердәм Россия” партиясенең Югары Советы Бюросы утырышында катнашты. Бу хакта Татарстан Президентының матбугат хезмәте хәбәр итә.

Очрашуда ике төп мәсьәлә каралды: 14 партия проектының төбәкләрдә үтәлеше һәм проектлар башкарылуын бәяләячәк эксперт төркеме составы.

“Торак идарәсе”, “Өлкән буын”, “Демография проекты”, “Шәһәр мохите” проектлары билгеләп үтелде.

Исегезгә төшерәбез: “Шәһәр мохите” проектының иҗтимагый советы җитәкчесе итеп “Бердәм Россия” партиясеннән Рөстәм Миңнеханов билгеләнде.

Халыктан кергән мөрәҗәгатьләр һәм шикаятьләр белән эшләүдә Татарстан проекты — “Халык контроле” үрнәк буларак күрсәтелде.