Рөстәм Миңнеханов белән Элла Памфилова төбәктә кеше хокуклары үтәлеше хакында фикерләште

Элла Памфилова Казанга, ИФО субъектларында Кеше хокуклары буенча вәкаләтлеләрнең координация советы утырышында катнашу максатында, килде

(Казан, 16 апрель, «Татар-информ»). Татарстан Президенты вазифаларын вакытлыча башкаручы Рөстәм Миңнеханов бүген Россия Федерациясендә кеше хокуклары буенча вәкаләтле Элла Памфилова белән очрашты.

Очрашу барышында Рөстәм Миңнеханов белән Элла Памфилова Татарстанда кеше хокуклары вәкиле институты эше, төбәктә кеше хокуклары үтәлеше мәсьәләләре хакында фикерләште, дип хәбәр итә ТР Президенты матбугат хезмәте.

Искәртеп узыбыз: Элла Памфилова Казанга Идел буе федераль округы субъектларында Кеше хокуклары буенча вәкаләтлеләрнең координация советы утырышында катнашу өчен килде. Чара бүген "Корстон" комплексында уздырыла.

Фотосурәт prav.tatarstan.ru сайтыннан алынды.