Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин Бөтенроссия халык санын алуда онлайн катнашты
«Россия гражданнарына мөрәҗәгать итеп, шуны әйтәсем килә, бу формаль эш түгел», — дип искәртте дәүләт башлыгы.
(Казан, 15 октябрь, «Татар-информ»). РФ Президенты Владимир Путин Бөтенроссия халык санын алу башланган көнне анда катнашты. Ул дәүләт хезмәтләре порталында электрон анкета тутырды, дип хәбәр итә Кремльнең матбугат хезмәте.
Таралган видеода Россия лидерының үз фамилиясен, исемен һәм әтисенең исемен күрсәтүе күренә. Моннан тыш, ул әлеге адрес буенча даими (12 ай һәм аннан да күбрәк) яши һәм хуҗалык әгъзасы булып тора, дип билгеләп үтте.
«Россия гражданнарына мөрәҗәгать итеп, шуны әйтәсем килә, бу формаль эш түгел», — дип искәртте дәүләт башлыгы. Ул барлык дәрәҗәдәге хакимият вәкилләренә аларның бурычы — бу эшне (исәпкә алу — Т-и иск.) башкарачак коллегаларына, анда катнашачак волонтерларга да ярдәм итү, ярдәм күрсәтү, дип искәртте.
Халык санын алу кирәклеген шәрехләп, Путин дәүләт, аның күрсәткечләренә нигезләнеп, икътисадта да, социаль өлкәләрдә дә — сәламәтлек саклау, мәгариф, демография өлкәсендә дә «дөресрәк, нәтиҗәлерәк» карарлар кабул итә алачак, дип билгеләп үтте.
Кызыклы яңалыкларны күзәтеп бару өчен Телеграм-каналга язылыгыз