Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов Иннополиста «Ю1» торак микрорайонын төзи башлау турында игълан итте
«Микрорайон төзү — зур проект. Иннополис проекты Татарстан өчен генә түгел, бөтен ил өчен дә хезмәт итәчәк дип ышанам», — диде ул.
(Казан, 15 июнь, «Татар-информ», Надежда Гордеева). Иннополиста бүген «Ю1» яңа торак микрорайонын төзи башлау турында игълан ителде. Чарада Татарстан Президенты Рөстәм Миңнеханов һәм Татарстан Премьер-министры Алексей Песошин катнашты.
«Микрорайон төзү — зур проект. Иннополис проекты Татарстан өчен генә түгел, бөтен ил өчен дә хезмәт итәчәк дип ышанам. Болар барысы бергә үсеш өчен яхшы синергия бирә», — диде тантаналы чарада ТР Президенты.
Рөстәм Миңнеханов шулай ук әлеге проектны уңышлы гамәлгә ашыруларын теләде. «Муниципалитеттан һәм республикадан кирәкле ярдәм күрсәтеләчәк», — дип ышандырды ул.
«Иннополис 2024» компаниясе генераль директоры Николай Никифоров сүзләренчә, Иннополис өчен бу мөһим вакыйга, чөнки мондый проект шәһәргә алга таба үсәргә мөмкинлек бирәчәк.
«Без төзелеш буенча агымдагы планнарны гамәлгә ашырганда, потенциаль халык 5-5,5 мең кешедән проектны тәмамлау нәтиҗәләре буенча 25-30 мең кешегә кадәр артырга мөмкин. Бу мөһим, чөнки бүген Иннополис үзенең бөтен мөмкинлекләрен сарыф итте диярлек. Монда эшләргә һәм яшәргә теләүчеләрнең чираты зур. Һәм бу югары класслы белгечләр. Без моны хезмәт хаклары һәм салымнар дәрәҗәсе буенча күрәбез», — диде ул.
Кызыклы яңалыкларны күзәтеп бару өчен Телеграм-каналга язылыгыз