Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов «Мөхәммәдия» мәдрәсәсенең реставрация ясалган бинасын карады
«Мөхәммәдия» мәдрәсәсенә 1882 елда нигез салынган, ул Россиядәге иң борынгы ислам уку йортларыннан берсе.
(Казан, 13 май, «Татар-информ», Розалия Хәйруллина). Татарстан Президенты Рөстәм Миңнеханов «Мөхәммәдия» мәдрәсәсенең реставрация үткәрелгән бинасы белән танышты.
ТР Президентының матбугат хезмәте хәбәр иткәнчә, ремонт-реставрация эшләреннән соң мәдрәсәнең яңартылган уку корпусы буенча экскурсияне Татарстан мөфтие Камил хәзрәт Сәмигуллин үткәрде. Танышу барышында мәдрәсәне техник һәм методик яктан җиһазландыру, белем бирүнең сыйфаты, шулай ук укыту процессы системасы хакында фикер алыштылар.
Ремонт-реставрация эшләре үткәрү нәтиҗәсендә бинада җиде уку сыйныфы, ике укытучылар бүлмәсе, намаз уку бүлмәсе, уку залы, ике лингафон кабинеты, шулай ук ике информатика бүлмәсе урнашкан. Бинада шулай ук аз мобильле төркемнәр өчен ике уку сыйныфы, чишенү һәм тәһарәт алу бүлмәләре дә бар.
Бүгенге көндә «Мөхәммәдия» мәдрәсәсендә 1200 шәкерт белем ала. Укыту татар һәм гарәп телләрендә 56 предмет буенча алып барыла. Мәдрәсәдә барлыгы 28 мөгаллим эшли. Аларның барысы да югары дини һәм дөньяви белемгә ия. Дини белем бирү учреждениесе ел саен 4-5 Коръәнхафиз әзерләп чыгара.
«Мөхәммәдия» мәдрәсәсенә 1882 елда нигез салынган, ул Россиядәге иң борынгы ислам уку йортларыннан берсе. Бина дини әһәмияткә ия мәдәни мирас объекты санала.
Кызыклы яңалыкларны күзәтеп бару өчен Телеграм-каналга язылыгыз