Рөстәм Миңнеханов Татарстан Инвестиция советы президиумының чираттагы утырышын уздырды

Татарстан Хөкүмәте Йортында Татарстан Президенты рәислегендә узган киңәшмәдә берничә инвестиция проекты хупланды.

(Казан, 9 октябрь, "Татар-информ"). Татарстан Президенты Рөстәм Миңнеханов бүген Татарстан Инвестиция советы президиумының чираттагы утырышын уздырды. Киңәшмә Татарстан Хөкүмәте Йортында узды һәм аны Рөстәм Миңнеханов алып барды. Бу хакта Татарстан Президентының матбугат хезмәте хәбәр итә.

Татарстан Президенты Рөстәм Миңнеханов Татарстан Инвестиция советы президиумының чираттагы утырышын уздырды. Татарстан Хөкүмәте Йортында Татарстан Президенты рәислегендә узган киңәшмәдә берничә инвестиция проекты хупланды. Беренче булып, “Алабуга” махсус икътисади зонасындагы завод төзелеше проекты каралды. Биредә автобусларны газ-моторлы ягулык двигателе, электр-мотор һәм гибрид моторлар кулланып җыю мөмкинлеге каралган. Компания вәкилләре – инвесторлар проект үсеше, күзалланган инвестицияләр, шулай ук проектны тормышка ашыруда җәлеп ителүче партнерлар турында мәгълүмат бирә.

Рөстәм Миңнеханов республиканың әлеге проектны тормышка ашыру белән кызыксынуын җиткерә. “Без җитештерелгән автобусларның алга таба сервис хезмәтле булуы белән кызыксынабыз. Иң мөһиме – проектны финанслау схемасы билгеләнгән булырга тиеш. Проект гомумфедераль әһәмияткә ия”, - дип билгеләп үтә ул. Икенче проект бөртеклеләрне елына 300 мең тонна күләмендә биологик эшкәртү буенча "Сяосян-Волга” авыл хуҗалыгы паркы булдыру турында. Проект Лаеш муниципаль район җирлегендә тормышка ашырыла, ул пилот проект һәм шулай ук социаль әһәмияткә ия. Партнерлар – Кытай инвесторлары.

Татарстан авыл хуҗалыгы һәм азык-төлек министры Марат Әхмәтов әлеге мәсьәләне өйрәнү өчен, Кытайга сәфәр оештырылган булуын билгеләп уза. Әлеге проект та Татарстан Инвестиция советы президиумыннан хуплау таба.

Алдагы проект Түбән Камадагы “Пионер” индустриаль паркы биләмәсендә рулон корыч буяу буенча “Камасталь” предприятиесен төзү турында. Җитештерәләсе продукция Татарстан, Россия, шулай ук БДБ базарын җәлеп итә алачак.

Тагын бер проект - Чаллыда “Orange Fitness” спорт-сәламәтләндерү комплексы төзү. Ул дәүләт-шәхси хезмәттәшлеге кысаларында гамәлгә керәчәк.

Инновацион фәнни-мәгариф үзәге булдыру проектын Казан дәүләт медицина университеты (КГМУ) ректоры Алексей Созинов тәкъдим иткән. Киңәшмәдә шулай ук башка проектлар да каралган.