Татарстан Президенты: «Ата-ана фидакярлеге» дәүләт бүләге гамәлгә кертелә

Бу хакта Рөстәм Миңнеханов парламентка еллык Юлламасында әйтте.

(Казан, 8 октябрь, «Татар-информ», Гөлнар Гарифуллина). Татарстан Президенты Рөстәм Миңнеханов әйтүенчә, Татарстанда «Ата-ана фидакярлеге» дәүләт бүләген гамәлгә кертү турында карар кабул ителгән.

«Россия Президенты Владимир Путинның күптән түгел чыккан Указы нигезендә, Әтиләр көне гамәлгә кертелде, бу халык тарафыннан позитив кабул ителде. Моңа өстәмә итеп, Татарстанда гаилә абруен, ата-аналар хезмәтенең дәрәҗәсен арттыру максатларында, яңа дәүләт бүләге — „Ата-ана фидакярлеге“ медален гамәлгә кую карары кабул ителде», — диде Рөстәм Миңнеханов.