Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фәрит Мөхәммәтшин: «Бердәм Россия» проектларының нәтиҗәле үтәлеше партиянең абруен күтәрә
«Бердәм Россия» партия проектларын вакытында һәм нәтиҗәле гамәлгә ашыру өчен партиялеләрнең урыннардагы хакимият органнары белән тыгыз хезмәттәшлеген активлаштырырга кирәк. «Бердәм Россия» партиясенең Татарстан бүлекчәсе төбәк сәяси советы президиумының Казанда узган утырышында катнашучылар шундый нәтиҗәгә килде.
Эшлекле киңәшмә партиянең төбәк бүлеге секретаре Фәрит Мөхәммәтшин җитәкчелегендә узды. Очрашуның көн тәртибе партия проектларына – аларны 2022 елда гамәлгә ашыру йомгакларына һәм агымдагы елга планнарга багышланган иде.
Докладчылар һәм Татарстаннан Дәүләт Думасы депутаты Максим Топилин үзенең докладында республикада «Бердәм Россия» проектлары кысаларында башкарылган масштаблы эшләр турында җентекләп сөйләде. Аларның эшчәнлеге төбәк тормышының төп өлкәләренә – социаль мәсьәләләрдән, мобилизацияләнүчеләргә һәм аларның гаиләләренә ярдәм итүдән алып, бизнеска булышлык күрсәтү һәм икътисадта импортны алмаштыруга кадәр.
Тема буенча йомгаклау доклады белән «Бердәм Россия» Бөтенроссия сәяси партиясенең Татарстан төбәк бүлеге секретаре урынбасары Римма Ратникова чыгыш ясады. Ул 2022 елның катлаулы вакыйгалары фонында партия проектлары аша хәл ителә торган мәсьәләләр спектрын киңәйтүне билгеләп үтте.
«Узган ел проект эшчәнлеге федераль партия проектлары санының артуы белән билгеләнде. Алар актуаль, партиянең Халык программасын тормышка ашыруга, кешеләр белән аралашуга һәм аларның проблемаларын хәл итүгә юнәлдерелгән. Тулаем алганда, барлык партия проектлары да уңышлы рәвештә тормышка ашырыла. Без бу эшне лаеклы алып бара алырлык кадрлар белән тәэмин ителгән», – диде Римма Ратникова.
Бу проектларны гамәлгә ашыруның нәтиҗәлелеге партиялеләрнең җирле хакимият органнары, профильле ведомстволар һәм оешмалар белән хезмәттәшлек дәрәҗәсенә турыдан-туры бәйле, дип белдерде Фәрит Мөхәммәтшин.
Кызыклы яңалыкларны күзәтеп бару өчен Телеграм-каналга язылыгыз