Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мөхәммәтшин Кытайның Казандагы Генераль консулы У Инцин белән очрашты
Татарстан Дәүләт Советы Рәисе Фәрит Мөхәммәтшин Кытайның Казандагы Генераль консулы У Инцин әфәнде белән саубуллашты, ул Татарстанда үз миссиясен тәмамлый. Республика парламенты җитәкчесе аңа башкарган эше өчен рәхмәт белдерде.
Әңгәмә барышында Фәрит Мөхәммәтшин Россия белән Кытай арасында ныклы сәүдә-икътисади һәм гуманитар элемтәләр урнашуын, яхшы эшлекле элемтәләр җайга салынуын билгеләп үтте. Ике идарәче партия - «Бердәм Россия» һәм Кытай Коммунистлар партиясе линиясе буенча күп кенә уртак чаралар уза. Татарстан ике дәүләтнең төбәкара элемтәләрен үстерүгә зур өлеш кертә.
«Сез Кытайның Казандагы Генераль консуллыгына нигез салынганнан бирле эшлисез, республиканың иҗтимагый тормышында актив катнашасыз, - диде Фәрит Мөхәммәтшин. Кытай Халык Республикасының Казандагы беренче Генераль консулы буларак, Сез бу дипломатик эшне бик яхшы рельсларга куйдыгыз».
Дәүләт Советы Рәисе җайга салынган хезмәттәшлек системасы алга таба да, яңа Генераль консул килү белән дәвам итәр, дип ышаныч белдерде, ә У Инцинга алдагы дипломатик эшчәнлегендә уңышлар теләде.
У әфәнде республика җитәкчелегенә партнерлык һәм стратегик багланышлар, шул исәптән парламентара элемтәләрне дә кертеп, Россия-Кытай мөнәсәбәтләре кысаларында Татарстан белән Кытайның элемтәләрен үстерүдә ярдәме өчен рәхмәт белдерде.
Кызыклы яңалыкларны күзәтеп бару өчен Телеграм-каналга язылыгыз