Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мордовиядә Донецк Республикасы герое Равил Халиков исемендәге тхэквондо турниры узды
29 гыйнварда Саранскида Донецк Халык Республикасы герое, Мордовиядә туып үскән Равил Халиков исемендәге төбәкара тхэквондо турниры узды. Ярышларда Россиянең биш төбәгеннән 200гә якын спортчы катнашты. Бу хакта Россия Мөфтиләр шурасының матбугат хезмәте хәбәр итә.
Турнирның мактаулы кунаклары арасында Мордовия Хөкүмәте Рәисе Дмитрий Поздняков, Мордовия спорт министры Александр Савилов һәм Мордовия мөселманнары Диния нәзарәте рәисе, мөфти Илдус хәзрәт Исхаков та бар иде.
Мордовия Башлыгы Артем Здунов исеменнән турнирда катнашучылар һәм кунакларны төбәк Хөкүмәте Рәисе Дмитрий Поздняков сәламләде.
Премьер-министр ярышларны ачу тантанасында катнашкан Равил Халиковка рәхмәт белдерде. «Сез үсеп килүче буын өчен батырлык, ватанпәрвәрлек һәм кече Ватанга карата мәхәббәт үрнәге булып торасыз», - дип искәртте ул.
Мордовия өчен тхэквондо – чагыштырмача яңа, әмма балалар һәм яшьләр арасында популярлыгы елдан-ел арта барган спорт төре. Бүгенге көндә төбәк тхэквондо федерациясендә 100гә якын кеше шөгыльләнә. 2023 елда Мордовиядә спортның әлеге төре буенча 12 чара үткәрү күздә тотыла.
Кызыклы яңалыкларны күзәтеп бару өчен Телеграм-каналга язылыгыз