news_header_top_970_100
news_header_bot_970_100

Минзәлә районында 76 яшьлек браконьерга карата карар чыгарылган

Рөхсәт булмаган урында балык тотучы гаебен тулысынча таныган

(Казан, 13 гыйнвар, “Татар-информ”). Минзәлә районы прокуратурасы 76 яшьлек Роберт Хәбибрахмановка карата җинаять эше буенча дәүләт гаепләвен хуплаган. Ул РФ Җинаять кодексының 256 нчы маддәсенең 1 нче часте (махсус саклана торган территорияләрдә су биоресурсларын законсыз тотып, зур күләмдә зыян китерү) буенча җинаять кылуда гаепле дип табылган.

Суд тарафыннан ачыкланганча, 2015 нче елның 20 октябренә каршы төндә Минзәлә районының Кәлморза авылыннан 500 м ераклыкта төбәк әһәмиятенә ия табигать һәйкәле булып танылган Ык елгасында Хәбибрахманов, ятьмә кулланып, законсыз төстә балык тоткан.

Ул гаебен тулысынча таныган. Суд, дәүләт гаепләүчесе фикере белән килешеп, аңа дәүләт кереме файдасына 8 мең сум күләмдә штраф билгеләгән. Суд карары әлегә үз көченә кермәгән.

Бу хакта ТР прокуратурасы сайтында хәбәр ителә.


 

news_right_column_1_240_400
news_right_column_2_240_400
Медиаметрикс
news_bot_970_100