news_header_top_970_100
news_header_bot_970_100

Миңнеханов Түбән Кама һәм Чаллы шәһәрләрен урап уза торган юлны төзү барышын бәяләде

Миңнеханов Түбән Кама һәм Чаллы шәһәрләрен урап уза торган юлны төзү барышын бәяләде
tatarstan.ru

Бүген Татарстан Республикасы Президенты Рөстәм Миңнеханов М7 трассасының Чаллы һәм Түбән Кама шәһәрләрен урап уза торган өлешен төзү мәсьәләләренә багышланган күчмә киңәшмә уздырды. Татарстан башлыгы, территорияләрне вертолетта очып узганнан соң, юл төзелеше барышын бәяләде һәм участок төзелешенең икенче этабында хезмәт куючы эшчеләр белән аралашты. Очрашу Татарстанның Түбән Кама районында Шәңгәлче авылы янында үтте.

Киңәшмә ачылышында Рөстәм Миңнеханов яңа юлның республикада транспорт файдаланышын арттырырга ярдәм итәчәген белдерде. Аның сүзләренчә, әлеге юл Түбән Кама ГЭС плотинасы аша хәрәкәтне дә киметергә ярдәм итәчәк. Трассаны төзү өч участокка бүленгән һәм ул тиз йөрешле Казан-Екатеринбург маршруты проектына керә.

Хәзер эшләр төзелешнең икенче этабында бара, участок мәйданы 23,7 км тәшкил итә. Төзелешнең беренче этабы буенча документлар Россиянең «Дәүләт экспертизасының баш идарәсе»ндә карала, өченче этапка Россия экспертизасы уңай бәяләмә биргән. Соңгы этап төзелеше подрядчы оешма билгеләнгәннән соң башланачак һәм контракт төзеләчәк.

Татарстан Президенты территорияләрне өстән – вертолеттан карап узды, шулай ук төзелештә катнашучылар белән әңгәмә уздырды. Аннары киңәшмәдә катнашучылар төзелеш эшләренең барышы турында фикер алышты.

«Бүген икенче этапта төзелеш территориясен әзерләү дәвам итә, җитештерү базалары төзелә, АБЗ һәм ГСУ монтажлана, материаллар китерелә. Объектта 937 мең кубометр күләмдә юл нигезе өчен катлам түшәлгән инде, бу барлык күләмнең 40 процентын тәшкил итә. Параллель рәвештә проектта каралган 30 торбаның җидесе төзелә. Алан, Келәтле, Аулаш, Аштылга күперләрендә һәм инешләрендә терәк кору эшләре бара», – дип белдерде Татарстан Президентының матбугат хезмәте.

Төзелештә өч йөздән артык эшче хезмәт куя, 144 берәмлек техника эшли.

Моңа кадәр Татарстан Президенты Татарстанның Лаеш районында булды, ул анда М12 трассасының сигезенче этабын төзү мәсьәләләренә багышланган киңәшмә уздырды.

news_right_column_1_240_400
news_right_column_2_240_400
news_bot_970_100