Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов «Татнефть» Директорлар советының эшчәнлегенә һәм бюджет үтәлешенә бәя бирде
Татарстан Президенты Рөстәм Миңнеханов В.Д.Шашин исемендәге «Татнефть» ГАҖ Директорлар советы утырышын уздырды. Чара Татарстан Республикасы Хөкүмәте Йортында узды. Бу турыда ТР Президентының матбугат хезмәте хәбәр итә.
Директорлар советы «Татнефть» ГАҖнең тотрыклы үсеш һәм кызыксынган яклар белән хезмәттәшлек өлкәсендә сәясәтен раслады. Сәясәт «Татнефть» ГАҖнең бу өлкәдә барлык стейкхолдерлар тарафыннан да аңлауны тәэмин итәргә, корпоратив эшчәнлекне планлаштыруның барлык дәрәҗәләрендә тотрыклы үсеш белән идарә итүнең нәтиҗәле системасын формалаштыруга ярдәм итәргә тиеш.
«Татнефть»нең тотрыклы үсешне тәэмин итүдә җирле берләшмәләргә һәм социаль үсешкә ярдәм итү, нәтиҗәле хезмәт һәм кеше потенциалын үстерү өчен шартлар тудыру, әйләнә-тирә мохиткә йогынтыны минимальләштерү, түбән углеродлы икътисадка күчү һәм технологияләр үсеше, корпоратив идарә итү тәҗрибәсен камилләштерү, ESG-куркынычсызлык белән идарә итү һәм куркынычсызлыкны тәэмин итү өстенлекле булып тора.
Сәясәттә компания үз эшчәнлегендә Россия Конституциясе, Россия бизнесының социаль хартиясе, халыкара килешүләрдә беркетелгән гомумтанылган нормалар нигезендә кеше хокукларын үтәү принципларын тулысынча хуплый дип ассызыклана.
«Татнефть» ГАҖ Сәясәте белән рәсми сайтта танышырга мөмкин.
Шулай ук утырышта катнашучыларга «Татнефть» Директорлар советы һәм аның комитетлары эшчәнлеген бәяләү нәтиҗәләре тәкъдим ителде.
Утырыш барышында Директорлар советы әгъзалары шулай ук 2022 елның 4 аенда «Татнефть» ГАҖ бюджеты үтәлеше нәтиҗәләре турында мәгълүмат тыңлады, 2022 елның июнь аена бюджетны расладылар, мәгълүмати технологияләр һәм цифрлаштыру өлкәсендә бизнес-аналитиканы камилләштерүгә һәм эшчәнлекнең нәтиҗәлелеген арттыруга юнәлдерелгән стратегик инициативаларны гамәлгә ашыруның барышы турында доклад белән таныштылар, җитештерү-хуҗалык эшчәнлегенең башка мәсьәләләрен карадылар.
Кызыклы яңалыкларны күзәтеп бару өчен Телеграм-каналга язылыгыз