Рәсми Татарстан 1 октябрь 2022 17:43

Миңнеханов: Татарстанга яңа төбәкләр белән кооперация чылбырларын җайга салу мөһим

Скопировать ссылку

Татарстан Президенты Рөстәм Миңнеханов Чаллы шәһәрендә Машина төзүчеләр көненә багышланган тантаналы чараларда катнашты. Котлау чыгышында республика лидеры Россиягә яңа төбәкләрнең кушылуын искә алды.

«Бүген безнең сәнәгать предприятиеләре алдында мөһим бурыч тора - яңа төбәкләр белән элемтәләр урнаштыру, алар белән кирәкле кооперация чылбырлары төзү. Алар барысы да - металлургия, машина төзелеше, башка тармаклар үсеш алган сәнәгать территорияләре. Яңа төбәкләргә һәрьяклап ярдәм күрсәтү - безнең уртак бурычыбыз», - диде Рөстәм Миңнеханов.

Моннан тыш, Татарстан Президенты билгеләп үткәнчә, катлаулы 2022 елда да машина төзелешендә күрсәткечләр беренче сигез айда югары булды. Машина төзелешендә сәнәгать җитештерүе индексы 103 процент тәшкил иткән, төяп җибәрелгән продукция күләме 500 млрд сумнан арткан.

Хәзерге вакытта республикада якынча 3,5 мең машина төзелеше предприятиесе эшли, аларда 138 мең кеше хезмәт куя, - диде Рөстәм Миңнеханов.

Сәхифәләр

Миңнеханов: Татарстанга яңа төбәкләр белән кооперация чылбырларын җайга салу мөһим