Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов: Татарстан Ислам хезмәттәшлеге оешмасы илләре белән актив хезмәттәшлек итә
Татарстан Рәисе Рөстәм Миңнеханов Ливиянең Россиядәге Гадәттән тыш һәм Тулы вәкаләтле Илчесе Әмөхәммәд А.Ә. Әлмәграви белән очрашты. Очрашу Казан Кремлендә узды, дип хәбәр итә республика җитәкчесенең матбугат хезмәте.
Яклар Россия-Ливия мөнәсәбәтләре кысаларында озак вакытлы хезмәттәшлек һәм кайбер проектларны гамәлгә ашыру мәсьәләләре буенча фикер алышты. Рөстәм Миңнеханов кыскача гына Татарстанның үсеше һәм аның икътисади потенциалы: республикада нефть чыгару, нефть химиясе һәм нефть эшкәртү үсеше, автомобильләр, самолетлар, вертолетлар, суднолар, машина төзелеше продукциясе җитештерү турында сөйләде.
Бүген Татарстан ислам дөньясы һәм Ислам хезмәттәшлеге оешмасына керә торган илләр белән актив хезмәттәшлек итә. 2022 елда Казан Ислам хезмәттәшлеге оешмасы Яшьләр башкаласы булды.
Россия-Ливия мөнәсәбәтләре кысаларында Татарстан белән Ливия арасындагы хезмәттәшлекне үстерү өчен активрак эшләү мөһим, дип билгеләп үтте Рөстәм Миңнеханов. Ул шулай ук илчегә республикага күрсәткән игътибары һәм визиты өчен рәхмәт белдерде.
Ливиянең Россия Федерациясендәге Илчесе Әмөхәммәд А.Ә. Әлмәграви делегациясенә игътибар һәм бай программа өчен рәхмәт белдерде. Ул билгеләп үткәнчә, үзара файдалы хезмәттәшлек җайга салынырга мөмкин булган кайбер өлкәләр бар, шул исәптән сәламәтлек саклау тармагы.
Кызыклы яңалыкларны күзәтеп бару өчен Телеграм-каналга язылыгыз