news_header_top_970_100
news_header_bot_970_100

Миңнеханов Россия почтасы генераль директоры белән бонд складын ачу турында сөйләште

Бүген, 28 июньдә, Татарстан Президенты Рөстәм Миңнеханов Россия почтасы генераль директоры Максим Акимов белән очрашты. Алар авыл почта бүлекчәләрен модернизацияләү, транспорт хабын үстерү һәм республикада бонд склады булдыру турында фикер алышты.

«Россия электрон коммерциясенең яңа форматы - бонд склады өчен Татарстан сынау территорияләренең берсе булачак» - дигән Акимов. Бу хакта ТР Президентының матбугат хезмәте хәбәр итә.

Ул ачыклык керткәнчә, Татарстанда таләпчән клиентлар яши, алар логистик хезмәт дәрәҗәсенә карата югары таләп куя. Нәкъ менә шуңа күрә дә республикада Россия почтасы еш кына яңа сервисларны тикшерә.

Рөстәм Миңнеханов шулай ук Казан почта логистика үзәге булдыру проектына игътибар итте.

«Бүген логистика - беренче урындагы мәсьәлә. Без бу проектта актив катнашырга әзер», - диде Татарстан Президенты.

Ул шулай ук бүгенге көндә Татарстанда 1 111 почта элемтәсе бүлеге һәм 8 216 почта хезмәткәре эшләве турында сөйләде.

«Быел төбәкнең зур булмаган җирлекләрендә 15 бүлекнең ремонтыннан башлыйбыз», - диде Россия почтасы генераль директоры.

Билгеләп үтелгәнчә, авыл почта бүлекчәләрен модернизацияләү программасы РФ Президенты Владимир Путин йөкләмәсе белән башланып китте. Яңартылганнан соң анда клиентлар почта һәм финанс хезмәтләре алып кына калмый, ә, мисал өчен, Дәүләт хезмәтләре порталында хисап язмасын раслый яки торгыза, аның сервисларыннан файдалана һәм кирәкле документларны бастырып чыгара, сәламәтлекнең мөһим күрсәткечләрен мөстәкыйль рәвештә үлчәргә мөмкин.

Бүлекләр аз хәрәкәтле кешеләр өчен уңайлырак булачак. Биредә пандуслар куела, ишекләр киң итеп ясала һәм персоналны чакыру төймәсе була.

news_right_column_1_240_400
news_right_column_2_240_400
news_bot_970_100