Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов Россия Фәннәр академиясе президенты белән фәнне үстерү хакында фикер алышты
Татарстан Президенты Рөстәм Миңнеханов ТР Хөкүмәте йортында Россия Фәннәр академиясенең яңа җитәкчесе, академик Геннадий Красников белән очрашты. Алар төбәк дәрәҗәсендә фәнни институтлар белән алга таба хезмәттәшлек итү, практик фәнне үстерү мәсьәләләре хакында фикер алышты.
Очрашудан соң Геннадий Красников шулай ук «Татнефтехиминвест-холдинг» АҖ Директорлар советы утырышында да катнашты. Бу хакта ТР Президентының матбугат хезмәте хәбәр итә.
Моннан тыш, Красников Казанда җирле югары уку йортлары, шул исәптән КФУ җитәкчелеге белән сөйләшүләр үткәрергә, фәнни лабораторияләр һәм тәҗрибә-сәнәгать производстволарында булырга, шулай ук Россия Фәннәр академиясенең Казан фәнни үзәге җитәкчелеге һәм Россия Фәннәр академиясе әгъзалары белән очрашырга ниятли.
Искәртеп узабыз, 20 сентябрьдә «Молекуляр электроника фәнни-тикшеренү институты» АҖ генераль директоры, академик Геннадий Красниковның Россия Фәннәр академиясенең гомуми җыелышында академиянең президенты итеп сайлануы билгеле булды. РФ Президенты Владимир Путин 26 сентябрьдә аны биш елга Россия Фәннәр академиясе башлыгы вазифасына билгеләү турындагы указны имзалады.
Кызыклы яңалыкларны күзәтеп бару өчен Телеграм-каналга язылыгыз