Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов «Иннопром-2022» сессиясендә Татарстанда яңа технопарклар төзү турында сөйләде
Татарстан Республикасы Президенты Рөстәм Миңнеханов «Иннопром-2022» халыкара сәнәгать күргәзмәсе сессиясендә чыгыш ясады. Сессиядә ул республикада бизнесны үстерү өчен тормышка ашырыла торган яңа инфраструктура проектлары турында сөйләде.
Рөстәм Миңнеханов үз чыгышында республикада 2 махсус икътисади зона эшләвен искәртте. Алар Россиядә иң нәтиҗәле дип табылган.
«Ил Хөкүмәте ярдәме белән «Алабуга» махсус икътисади зонасы зур нәтиҗәләргә иреште. Узган елда резидентларның табышы 135 миллиард сум тәшкил итте, 8 мең эш урыны булдырылды, шәхси инвестицияләр 157 миллиард сумнан артып киткән», – дип сөйләде Татарстан Республикасы Президенты.
«Инвестицион активлыкны стимуллаштыру максатларында индустриаль парк булдырылды, Россиядәге беренче ПАН-прекурсорлар заводы һәм автомобильләр җитештерә торган «Aurus» заводы файдалануга тапшырылды. Эшче белгечлекләр әзерли торган «Алабуга Политех» үзәге 2019 елдан үсештә. 2025 елга укучылар саны 10 мең кеше булыр дип планлаштырыла», – дип ачыклык кертте республика җитәкчесе.
Татарстан Республикасы Президенты үз чыгышында «Иннополис» махсус икътисади зона үсешенә аерым тукталды. Рөстәм Миңнеханов «Лаеш» индустриаль паркын һәм югары технологияләр өлкәсендәге «Иннопарк» технопаркын төзү планнары турында белдерде.
Сәнәгать паркларына ярдәм итү темасына сөйләгәндә, Татарстан Республикасы Президенты зур булмаган шәһәрләрдә урнашкан кече паркларга ярдәм чараларын тарату кирәгенә игътибар юнәлтте. Мондый шәһәрләрдә кече һәм урта эшмәкәрлек үсеше мәсьәләре аеруча кискен тора.
«Татарстанда сәнәгать парклары резидентларына салым преференцияләреннән файдалану, транспорт салымы һәм оешмалар милкенә салым түләү буенча ташламалар алу, дәүләт ярдәме чараларын электр энергиясе чыгымнарының бер өлешен субсидияләү, инженерлык инфраструктурасы төзелешен финанслау рәвешендә куллану мөмкинлеге бирә торган чаралар кабул ителде», – дип дәвам итте Рөстәм Миңнеханов.
Кабул ителгән чаралар нәтиҗәсендә республикада 96 сәнәгать паркы ачылган, аларда 1,5 мең резидент урнаштырылган һәм 52 меңнән артык эш урыны булдырылган.
Кызыклы яңалыкларны күзәтеп бару өчен Телеграм-каналга язылыгыз