Татарстан Президенты Рөстәм Миңнеханов һәм Казан мэры Илсур Метшин елга порты территориясендә беренче торак комплексы төзелешенә һәм бу территорияне яңарту эшләренә старт бирде. Порт урамы районында беренче нигез ташын салу тантанасында шулай ук Сбербанк ГАҖ Идел – Нократ банкы вице-президенты-рәисе Петр Колтыпин катнашты. Татарстан Президентының матбугат хезмәте шул турыда хәбәр итә.
«Бу мәйданда эш башларга берничә омтылыш булды, төрле проектлар булды. Казанга карасаң, Иделгә бөтенләй чыгу юлы юк. Кешеләр яши һәм бу матурлык белән ләззәтләнә алсын өчен мөмкинлек юк. Миңа системалылык һәм әлеге мәсьәләне хәл итүгә уникаль караш ошады», – диде Рөстәм Миңнеханов.
Ул шәһәрдә яшәү өчен уңайлы шартлар тудырырга кирәген ассызыклады. «Бу башка уңайлылык дәрәҗәсе булачак, бу безнең башкала өчен архитектура хәл ителешләренең яңа башлангычы. Менә шундый югары стандарт. Мин инвесторлардан истә тотуларын сорыйм – бу безнең шәһәр омтылырга тиешле үрнәк булырга тиеш. Күрерсез – монда, бу микрорайонда яшәү бик уңайлы булачак», – дип билгеләп үтте ТР Президенты.