Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов барлык хезмәтләрдән гадәттән тыш хәл нәтиҗәсен бетерүгә әзер булуны таләп итте
Татарстан Президенты Рөстәм Миңнеханов традицион республика киңәшмәсендә профильле ведомстволар җитәкчеләреннән һәм муниципалитетлар башлыкларыннан катлаулы һава шартларына бәйле гадәттән тыш хәлләр нәтиҗәләрен бетерүгә әзер булуны таләп итте.
Республика җитәкчесе искәрткәнчә, барлык хезмәтләрнең бердәм эшләве һәм җирле үзидарә органнарының тыгыз хезмәттәшлеге нәтиҗәсендә Татарстанда 24 ноябрьдә бозлы яңгыр нәтиҗәсендә килеп чыккан гадәттән тыш хәлнең нәтиҗәләрен кыска вакытта бетереп булды. Бу хакта ТР Президентының матбугат хезмәте хәбәр итә.
«Бозлы яңгыр нәтиҗәсендә безнең кайбер торак пунктларда электр энергиясе сүндерелде. Иң катлаулы метеошартлар зонасында Чүпрәле һәм Буа районнары аеруча зыян күргән. Аномаль һава шартлары Алексеевск, Кама Тамагы, Нурлат, Спас, Тәтеш районнарында электр челтәрләрендә һәлакәтләргә да китерде», - диде Татарстан Президенты.
«Һава торышы аномалияләре шулай ук торак пунктларда юллар, иҗтимагый киңлекләр бозлануга китерде. Бу шәһәр пассажир транспорты эшендә дә чагылыш тапты», - дип өстәде Миңнеханов.
«Кышның әле башлануын һәм начар һава шартлары кабатланырга мөмкин булуын исәпкә алып, республиканың профильле министрлыклары, шәһәр һәм район башлыклары игътибарын гадәттән тыш хәлләрнең мөмкин булган нәтиҗәләрен оператив хәл итүгә һәм аларның нәтиҗәләрен бетерүгә даими әзерлектә булу кирәклегенә юнәлтәм», - дип йомгаклады Татарстан Президенты.
Кызыклы яңалыкларны күзәтеп бару өчен Телеграм-каналга язылыгыз