Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Миңнеханов 9 Майга әзерлек турында: Covid шартларында ветераннарны кайгырту бик мөһим
Хәзерге вакытта Татарстанда 24 меңнән артык ветеран һәм Бөек Ватан сугышында катнашучыларның тол хатыннары яши, аларның 601е турыдан-туры сугышта катнашкан.
(Казан, 7 май, «Татар-информ»). Бәйрәм чараларына әзерлек һәм аларны үткәрү, ветераннарга ярдәм күрсәтү, яшьләргә патриотик тәрбия бирү – Бөек Ватан сугышында Җиңүнең 76 еллыгына әзерлек һәм аны үткәрү буенча оештыру комитеты утырышында әлеге һәм башка темалар хакында фикер алыштылар.
ТР Президентының матбугат хезмәте хәбәр иткәнчә, чарада Татарстан Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, ветераннар, министрлар, муниципалитет башлыклары һәм республиканың иҗтимагый оешмалары вәкилләре катнашты.
Утырыш алдыннан Рөстәм Миңнеханов, чәчәк рәвешендәге значок сатып алып, «Кызыл канәфер» Бөтенроссия акциясендә катнашты. Акция вакытында җыелган бөтен акча ветераннарга медицина ярдәме күрсәтүгә юнәлдереләчәк.
Президент коронавирус пандемиясе чорында ветераннарга һәм өлкән яшьтәге татарстанлыларга аерым игътибар бирелүен билгеләп үтте. Аның сүзләренчә, хәзерге вакытта Татарстанда 24 меңнән артык ветеран һәм Бөек Ватан сугышында катнашучыларның тол хатыннары яши, аларның 601е турыдан-туры сугышта катнашкан.
«Пандемия шартларында әлеге эш аерым мәгънәгә ия. Әмма вакыт бик аяусыз. Бөек Ватан сугышында катнашучылар – чын геройларның сафы елдан-ел сирәгәя бара. Узган елда без Советлар Союзы Герое Борис Кириллович Кузнецовны соңгы юлга озаттык», - диде ул.
Кызыклы яңалыкларны күзәтеп бару өчен Телеграм-каналга язылыгыз