Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәүнең Тел һәм баш мие үзәге хезмәткәрләре Равил Әхмәтшинга үз проектын тәкъдим итте
Татарстан Республикасының Россия Федерациясендәге Тулы вәкаләтле вәкиллегендә «Татар афазиологик тесты»н тәкъдим иттеләр. Татарстанның Россиядәге Тулы вәкаләтле вәкиллеге матбугат хезмәте шул хакта хәбәр итә.
Бу – Югары икътисад мәктәбе каршындагы Тел һәм баш мие үзәге галимнәренең проекты. Ул инсульт һәм нейрохирургия операциясе кичергән пациентларның сөйләмендәге хилафлыкларны диагностикалаудан гыйбарәт.
Проектны ТР Премьер-министры урынбасары - Татарстанның Россиядәге Тулы вәкаләтле вәкиле Равил Әхмәтшинга Тел һәм баш мие үзәге директоры, филология фәннәре докторы Ольга Драгой һәм үзәкнең фәнни хезмәткәре, филология фәннәре кандидаты Айгөл Ханова тәкъдим итте.
Үзәк тарафыннан «Рус афазиологик тесты» эшләнгән һәм уңышлы файдаланыла инде. Ул рус телендә сөйләшүчеләрнең лингвистик хилафлыкларын, баш мие кабыгының тиешле участогындагы дисфункция белән бәйле афазиянең (тел хилафлыгы) төрен һәм авырлык дәрәҗәсен билгеләргә мөмкинлек бирә.
Үзәк шундый ук тестны татар теле өчен дә эшләгән. Татарстанда халкы татар телен генә белә торган район һәм авыллар да булуын исәпкә алып, туган телдәге тест мондый пациентларның тормышын җиңеләйтергә ярдәм итә торган диагностик алымга әверелергә мөмкин.
Ольга Драгой, Татарстан сәламәтлек саклау системасы кызыксынган очракта, үзәк белгечләренең төбәктә әлеге проектны сынап карарга әзер булуын искәртте.
Кызыклы яңалыкларны күзәтеп бару өчен Телеграм-каналга язылыгыз