Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәүдә Россиянең атказанган конструкторы Хәйдәр Мусинны 85 яшьлеге белән котладылар
Авиаконструктор Хәйдәр Мусинга 85 яшь тулды. Аны юбилее белән Татарстан Республикасы Премьер-министры урынбасары - Татарстан Республикасының Россия Федерациясендәге Тулы вәкаләтле вәкиле Равил Әхмәтшин котлады. Бу хакта Татарстанның Россия Федерациясендәге Тулы вәкаләтле вәкиллеге матбугат хезмәте хәбәр итә.
Равил Әхмәтшин авиаконструкторның тормыш һәм хезмәт юлы безнең яшьләр өчен үрнәк булуын искәртте.
Горький өлкәсе Чембиле авылында туып-үскән Хәйдәр Мусин Мәскәү авиация-технология университетында укый. «Туполев» конструкторлык бюросында эшләгән елларында самолетларның күп төрләрен булдыруга зур өлеш кертә.
Хәйдәр Мусин – илдә беренче югары тавышлы Ту-144 самолетын һәм водород ягулыгында эшли торган беренче Ту-155 самолетын төзүче.
Двигательләрне эшләтеп җибәргәндә, беренче этапта шартлау куркынычы зур булу сәбәпле, самолет белән идарә итү илле метр тирәнлектәге тимер-бетон җир асты бункерыннан каралган. Күзәтү өчен видеокамералар урнаштырылган – мониторда инженерлар Ту-155 эчендә дә, аннан читтә дә барган вакыйгаларны күзәткән. Куркыныч зур була, самолетта сыек водород ягулыгы бар. Ту-155 җир өсте һәм очыш сынауларын уңышлы узды, анда ун дөнья рекорды куелды.
Бу эш өчен Россия Президенты Указы белән Хәйдәр Мусинга «Россия Федерациясенең атказанган конструкторы» исеме бирелде.
Авиаконструктор шулай ук Поляр йолдызын кулланып, мөселман дини корылмаларын төзүдә төгәл юнәлеш бирү методикасын эшләде. Ә 1991 елда ул хаҗ кыла.
Ул «Камиллек юлында», «Исламда ориентлашу» һәм «Күләгәдәге хакыйкать» китаплары авторы.
2013 елда «Россия горурланган мөселманнар» проекты кысаларында Хәйдәр Мусин турында «Вакытны узып» документаль фильмын төшерделәр.
Кызыклы яңалыкларны күзәтеп бару өчен Телеграм-каналга язылыгыз