Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Мәскәү өлкәсендә журналист Әнвәр Софинов белән хушлаштылар
Мәскәү өлкәсенең Наро-Фоминск шәһәрендә журналист һәм җәмәгать эшлеклесе, Татарстанның атказанган мәдәният хезмәткәре Әнвәр Софинов белән хушлаштылар. Бу хакта Мәскәүдә Татарстан Республикасының Тулы вәкаләтле вәкиллеге хәбәр итә.
Җәмәгать эшлеклесен соңгы юлга озатырга Татарстан Республтикасының вице-премьеры – Россия Федерациясендәге Тулы вәкаләтле вәкиле Равил Әхмәтшин, Россия Мөфтиләр шурасы рәисенең беренче урынбасары Рушан хәзрәт Аббясов, район хакимияте башлыгы урынбасары, шулай ук мәрхүмнең туганнары, дуслары, хезмәттәшләре һәм курсташлары килгән иде.
Хушлашу мәрасимендә катнашучылар журналистның гомере бик иртә өзелүенә сыкравын белдерде. Әнвәр Софиновның 65 яшьлек юбилеена кадәр нибары бер ай калган булган. Милләттәшебезне Наро-Фоминск зиратында җирләделәр, анда аның әтисенең һәм әнисенең дә кабере бар.
Әнвәр Софиновның озак авырудан соң вафат булуы турында «Татар-информ» хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз