news_header_top_970_100
news_header_bot_970_100

Мәскәү Җәмигъ мәчетендә Ренат Ибраһимов рухына җеназа намазы укыдылар

Мәскәү Җәмигъ мәчетендә Ренат Ибраһимов рухына җеназа намазы укыдылар
Динә Газалиева

Бүген Мәскәү Җәмигъ мәчетендә җырчы, РСФСРның халык артисты, композитор һәм продюсер Ренат Ибраһимов белән хушлаштылар.

Җеназа намазы 16.30 сәгатьтә башланды, аны РФ мөселманнары Диния нәзарәте һәм Россия Мөфтиләр шурасы рәисе Равил хәзрәт Гайнетдин укыды.

Элегрәк РФ төзелеш һәм торак-коммуналь хуҗалык министры Ирек Фәйзуллин, ТР Сәүдә-сәнәгать палатасының идарә рәисе Шамил Агиев, Москонцертның продюсерлык үзәге солисты Вера Берадзе һ.б. мәрхүмнең туганнары һәм якыннарының кайгысын уртаклашкан иде.

Артистны Мәскәү өлкәсенең Мытищи шәһәрендәге Волков зиратында мөселманнар өчен билгеләнгән участокта җирләячәкләр.

Кичә җырчы, РСФСРның халык артисты, композитор һәм продюсер Ренат Ибраһимовның йөрәге тибүдән туктады. Аңа 74 яшь иде.

news_right_column_1_240_400
news_right_column_2_240_400
news_bot_970_100