Машина йөртүче хатын-кыз кюветка төшкән автомобиль салоныннан очып чыгып һәлак булган
Скопировать ссылку
Татарстанның Азнакай районында юл-транспорт һәлакәте булган, бер кеше үлгән.
Республика Дәүләт автоинспекциясе хәбәр иткәнчә, җиңел машина белән идарә иткән хатын-кыз куркынычсыз тизлекне сайламаган һәм идарәне югалткан. Җиңел машина кюветка төшеп, әйләнеп капланган.
Хатын-кыз иминлек каешын эләктермәгән булган, шуның аркасында ул автомобиль салоныннан очып чыккан. Ул урында ук үлгән, диелә хәбәрдә.
Фото: © Республика Дәүләт автоинспекциясе