Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Магнитогорски татарлары милли сәнгать фестивале үткәрергә җыена
Магнитогорски татарлары милли сәнгать фестивале үткәрергә җыена
(Казан, 30 март, «Татар-информ»). Магнитогорскидан алынган хәбәрләргә караганда, шәһәрнең Татар мәдәни үзәге 24 апрельдә «Татар җаны» дигән милли сәнгать фестивале үткәрергә җыена. Мәдәни үзәк рәисе урынбасары Кадрия Исхакова сүзләренә караганда, мондый фестиваль шәһәрдә инде дүртенче мәртәбә үткәрелә. Узган елгы мондый фестивальдә Бөтендөнья татар конгрессы Башкарма комитетыннан да вәкилләр катнашкан. Быел исә фестиваль төбәкара булыр дигән өмет тә бар. Анда милли җыр һәм биюләрдән тыш, театр сәнгате дә керә, программада шулай ук Коръән укулар да бар.
Магнитогорски каласында бүгенге көндә 28 меңнән артык татар яши. Милләттәшләребез шәһәрдә халык саны буенча руслардан кала икенче урында тора. Биредә Татар мәдәни үзәге эшли, аның каршында төрле түгәрәкләр дә эшләп килә һәм «Төп йорт» дигән газета чыгарыла. Мәдәни үзәк милли һәм дини бәйрәмнәрне билгеләү, шулай ук милли мәдәниятне һәм сәнгатьне пропагандалау буенча даими эш алып бара. 24 апрельдә узачак фестиваль исә шундый чараларның берсе булып тора.
Кызыклы яңалыкларны күзәтеп бару өчен Телеграм-каналга язылыгыз