(Мәскәү, 4 ноябрь, “Татар-информ”, Динә Галәветдинова). Бүген Мәскәүдә “Космос” кино-концертлар залында ел саен уздырыла торган “Алтын көз” татар җыры фестивале үтәчәк. Анда Зөфәр Хәйретдинов, Илнар Сәйфиев, Фәрит Таишев, Әлфинә Әгъзәмаова, “Айфара” төркеме, Дилә Нигъмәтуллина, Альбина Апанаева, Сәет Абдуллин, Ирфан Измайлов, DJ Радик һ.б. катнаша.
Ике атнадан соң – 19 ноябрьдә – “Космос”та Ураза гаетенә багышланган бәйрәм концерты узачак. Ә декабрь башында Мәскәүгә Салаватның килүе көтелә. Аның концертлары 9, 10, 11 һәм 12 декабрьгә билгеләнгән.